इलाम । इलाम–२ मा भएको प्रतिनिधिसभा सदस्य निर्वाचनको मतगणनामा नेपाली कांग्रेसका उम्मेदवार डम्बर खड्का निरन्तर अगाडी देखिएका छन् ।
फाकफोकथुम गाउँपालिका–१ , २ र ३ को ४ हजार १ सय ८१ मत गणना गर्दा कांग्रेस उम्मेदवार खड्काले १ हजार ६ सय ४३ मत प्राप्त गर्दै अग्र स्थानमा देखिएका छन् भने नेकपा एमालेका सुहाङ नेम्वाङले १ हजार ६ सय १ मत सहित उनलाई पछ्याइरहेका छन् । अहिले सम्मको प्रारम्भिक मतपरिणाम हेर्दा नेम्वाङ र खड्काबीच कडा प्रतिष्पर्धा हुने देखिएको छ ।
त्यसैगरी स्वतन्त्र उम्मेदवार डकेन्द्र सिंह लिम्बु ४ सय ३७ मतसहित तेस्रो स्थानमा रहेका छन् भने राष्ट्रिय स्वतन्त्र पार्टी (रास्वपा) का उम्मेदवार मिलन लिम्बिु ३ सय ५ मतसहित चौथौ स्थानमा रहेका छन् । शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो ।
सो क्षेत्रमा एक लाख १५ हजार आठ सय ८९ मतदाता थिए । उपनिर्वाचनमा १२ राजनीतिक दलका र सात स्वतन्त्रसहित १९ जना चुनावी प्रतिष्पर्धामा थिए ।
प्रतिक्रिया