मैत्रीपूर्ण टी–२० शृङ्खलाः वेस्ट इन्डिज ‘ए’ र नेपाल बिचको पहिलो खेल आज

काठमाडौं । नेपालसँग मैत्रीपूर्ण टी–२० श्रृङ्खला खेल्न नेपाल आएको वेस्ट इन्डिज ‘ए’ र नेपाली राष्ट्रिय क्रिकेट टोलिबीच आज पहिलो खेल हुँदैछ ।

खेल नेपाली समय अनुसार दिउँसो १२ बजेर १५ मिनेटबाट कीर्तिपुरस्थित त्रिवि क्रिकेट मैदानमा हुनेछ । नेपालसँग मैत्रीपूर्ण टी–२० क्रिकेट शृङ्खला खेल्न वेस्ट इन्डिजको ‘ए’ टोली बुधबार काठमाडौँ आइपुगेको हो । क्यारेबियन टोलीका खेलाडीले शुक्रबार कीर्तिपुरस्थित अन्तर्राष्ट्रिय क्रिकेट मैदानमा नियमित अभ्यास पनि गरेका थिए ।

नेपाल र वेस्ट इन्डिजबिच पाँच खेल टी–२० खेलको शृङ्खला खेलिने कार्यक्रम रहेको छ । शृङ्खलाको दोस्रो खेल आइतबार खेलिने छ । तेस्रो खेल मे १ तारिखमा खेलिने छ । चौथो खेल मे २ तारिखमा र पाँचौँ खेल मे ४ तारिखमा खेलिने छ ।