कक्षा १२ को परीक्षा सुरु, ३ लाख ९० हजार परीक्षार्थी सहभागि

काठमाडौं । आजदेखि कक्षा १२ को परीक्षा सुरु भएको छ । परीक्षा विहान ८ बजेदेखि ११ बजेसम्म सञ्चालन हुनेछ ।

परीक्षामा नियमिततर्फ एक लाख ९६ हजार ९ सय १४ छात्रा र एक लाख ९३ हजार ९ सय ३३ छात्र गरी तीन लाख ९० हजार ८ सय ४७ परीक्षार्थीहरु सहभागी हुँदैछन् । त्यस्तै ग्रेड वृद्धितर्फ एक लाख छ सय ५० विद्यार्थी सहभागी हुने भएका छन् । देशभरका पाँच हजार पाँच सय ४२ विद्यालयका विद्यार्थी कक्षा १२ को परीक्षामा सहभागी हुनेछन् ।

परीक्षाका लागि बोर्डले देशभर एक हजार पाँच सय २५ परीक्षा र देशबाहिर जापानमा एक गरि कूल एक हजार पाँच सय २६ परीक्षा केन्द्रमा निर्धारण गरेको छ ।