आफ्नो दोस्रो खेलमा नेपाल ३२ रनले विजयी

काठमाडौं । दिपेन्द्रसिंह ऐरीको विस्फोटक ब्याटिङ सँगै ओमानमा जारी एसीसी प्रिमियर कपको दोस्रो खेलमा नेपाल ३२ रनले विजयी भएको छ ।

नेपालले दिएको २ सय ११ रनको विशाल लक्ष्य पछ्छाएको कतारले निर्धारित २० ओभरमा ९ विकेट गुमाउँदै जम्मा १ सय ७८ रन जोड्न सफल भएको थियो । नेपालका लागि दिपेन्द्रसिंह ऐरीले २ विकेट, गुल्शन झा ले २ विकेट र ललित राजवंशीले २ विकेट लिएका थिए ।

त्यस्तै कुशल मल्ल र अविनाश बोहराले समान १र१ विकेट लिएका थिए भने कतारका एकजना ब्याटर रनआउन भएका थिए । त्यसअघि टस जितेर पहिले ब्याटिङ रोजेको नेपालले निर्धारित २० ओभरमा २ सय १० रन जोड्न सफल भएको थियो । नेपालका लागि आक्रमक ब्याटर दिपेन्द्रले अन्तिम ओभरमा ६ छक्का हान्दै सर्वाधिक ६४ रनको योगदान गरेका थिए ।

यस्तै ओपनर आशिफ शेखले पनि राम्रो प्रर्दशन गर्दै नेपाललाई ५२ रनको योगदान दिएका थिए ।