काठमाडौं । एसीसी प्रिमियर कपको पहिलो खेलमा नेपाल ५ विकेटले विजयी भएको छ ।
मलेसियाले दिएको १ सय ४४ रनको लक्ष्य पछ्याएको नेपालले १९ दशमलव २ ओभरमा ५ विकेट गुमाएर पुरा गरेको थियो । टस जितेर पहिले ब्याटिङ रोजेको मलेसियाले निर्धारित २० ओभरमा ३ विकेट गुमाएर १ सय ४३ रन बनाउन सफल भएको थियो । जवाफि ब्याटिङ्मा उत्रिएको नेपालले सहजै उक्त लक्ष्य भेटाउन सफल भएको थियो ।
नेपालका लागि ओपनर आशिफ शेखले सर्वाधीक ३२ रन जोडेका थिए भने अर्का ओपनर कुशल भुर्तेलले २४ रनको योगदान गरेका थिए । त्यस्तै कप्तान रोहित पौडेलले २८, कुशल मल्लले ७, दिपेन्द्र सिँह ऐरिले २०, सन्दिप जोरा १२ र गुल्शन झाले १९ रन जोड्न सफल भएका थिए ।
फिनिसर गुल्शनले ७ बलमा १९ रन जोड्दै नेपाललाई सहज जित दिलाउँन भुमिका खेलेका थिए ।
प्रतिक्रिया