नेपालको सुदूरपूर्वमा अवस्थित झापा जिल्ला, मेडिकल फिल्डमा फड्को मार्ने क्रममा छ ।
हालसालै सम्मानीय सर्वोच्च अदालतको आदेशबाट विर्तामोड को वी एण्ड सी मेडिकल कलेजले सम्बन्धन पाउने बाटो खोलेको छ । यसले अब भारतीय मेडिकल विद्यार्थीलाई नेपालको पूर्व क्षेत्रमा आकर्षित गर्ने छ । अस्पतालको कमाई मात्र नभएर स्थानिय होटल, रेष्टुरेन्ट लगायतमा पनि मनग्य रुपले रोजगारी तथा आयस्रोत बढ्ने देखिन्छ ।
यसको साथसाथै पूर्वञ्चल क्यान्सर अस्पताल पूर्वका क्यान्सर विरामी को सेवामा समर्पित छ । यहाँ भारतको सिमावर्ती क्षेत्र लगायत सिक्किमबाट पनि क्यान्सर रोगको उपचार गराउन आउने गर्दछन् । अर्को छ मेचि आँखा अस्पताल। यस अस्पतालमा भारतको पश्चिम बङ्गाल बाट थुप्रै विरामी आउने गर्छन ।
अस्पतालमा अंग्रेजीका साथसाथै बंगाली भाषा समेत प्रयोग गरिएको देख्न सकिन्छ । वरपरका मेडिकल पसल, होटलहरुमा बंगाली लिपी प्रष्टसँग अधिक मात्रामा प्रयोग भएको देख्न सकिन्छ । यसका अलावा अरु अस्पतालहरुले पनि झापा को विर्तामोड, दमक लगायत अन्य क्षेत्रमा सेवा दिइराखेको देख्न सकिन्छ ।
यहाँ अवस्थित अस्पताललाई व्यवस्थित गर्दै सरकार तथा नीजि क्षेत्रले त्यही अनुसारको व्यवस्थापन तथा भारतमा प्रचार प्रसार गरेको खण्डमा नेपालमा भारु भित्रने निश्चित देखिन्छ । मेडिकल व्यवसायीको मात्र नभएर साना तथा ठुला व्यापारिको समेत चुलो बल्ने पक्का छ । यहाँ नभएका अरु सेवा पनि थप्दै त्यही अनुसारका विशेषज्ञ तथा स्वास्थ्य कर्मचारीको दरवन्दी सिर्जना गरेमा सिंगो जिल्ला लाई टेवा पुग्ने देखिन्छ ।
झापालाई अब मेडिकल हब को नयाँ परिचय बनाउनु पर्दछ…
प्रतिक्रिया