सुर्खेत । कर्णाली प्रदेशको नेतृत्वको बिषयमा सत्तारुढ नेकपा माओवादी केन्द्र र नेकपा एमाले नेताहरुबीच अझै पनि सहमति जुट्न सकेको छैन् ।
केन्द्रीय गठबन्धनको निर्णय अनुसार कर्णालीको नेतृत्व एमालेले पाउने सहमति भएपनि मुख्यमन्त्री राजकुमार शर्माले प्रचण्डको निर्देशनको अवज्ञा गरेपछि बिषय झनै जटिल बन्दै गएको छ । सहमति जुटाउनका लागि करिब ५ घण्टादेखि मुख्यमन्त्री राजकुमार शर्माको निवासमा छलफल जारी छ ।
छलफलकै बीचमा दिउँसो साढे १ बजे नेकपा एमाले संसदीय दलका नेता यामलाल कँडेल र प्रदेश इन्चार्ज लेखराज भट्ट बैठकमा सहभागी भएका थिए । करिब २ घण्टाको छलफल पछि जारी बैठकबाट एमालेका नेताहरू बाहिरिएका हुन् ।
यद्यपी अझै पनि सहमति जुट्न भने सकेको छैन् ।
प्रतिक्रिया