पाल्पा । पाल्पामा एक युवतीको विभत्स हत्या भएको छ । पँधेरोमा नुहाउन गएकी एक युवतीको हत्या भएको अवस्थामा शव फेला परेको प्रहरीले जनाएको छ ।
रिब्दीकोट गाउँपालिका–१ ख्याहाकी १९ बर्षीया पद्मा सुनारको हत्या भएको अवस्थामा शव फेला परेको हो । मंगलबार दिउँसो ४ बजे घर नजिकैको पँधेरोमा नुहाउन गएकी पद्मा साँझ अबेरसम्म नफर्किएपछि खोजी गर्ने क्रममा हत्या भएको अवस्थामा शव भेटिएको हो । उनको शरीरका विभिन्न भागमा धारिलो हतियारले काटिएको पाइएको प्रहरीको जनाएको छ ।
उनी स्थानीय शारदा माध्यमिक विद्यालयमा कक्षा १२ मा अध्ययनरत थिइन्। शवलाई अहिले पोष्टमाट्मको लागि जिल्ला अस्पताल तानसेन ल्याएको छ । हत्या भएको अशंका सहित प्रहरीले आफ्नो अनुसन्धान अघि बढाएको छ भने अनुसन्धानका लागि भैरहवाबाट कुकुर घटनास्थलमा ल्याएर थप अनुसन्धान सुरु भएको छ ।
हत्याको कारण खुल्न बाँकी रहेपनि जबरजस्ती करणी प्रयासको प्रतिकार गर्दा घटना भएको प्रारम्भिक अनुमान रहेको उनले बताए ।
प्रतिक्रिया