काठमाडौं । टी–यू क्रिकेट मैदानमा जारी दोस्रो टी–२० क्रिकेटमा नेपालले आयरल्यान्ड ‘ए’ लाई जितका लागि एक सय ९९ रनको ठूलो लक्ष्य दिएको छ ।
टस जिती पहिले ब्याटिङको निणर्य लिएको नेपालले निर्धारित २० ओभरमा सात विकेट गुमाएर एक सय ९८ रन बनाएको हो । नेपालका लागि गुलशन झाले सर्वाधिक ४६ रन जोडेका थिए । ओपनर आसिफ शेखले ९ बलमा १ चौका र १ छक्कासहित ११ रन जोडेका थिए । यस्तै अर्का ओपनर कुशल भुर्तेलले १६ बलमा २ चौका र २ छक्कासहित २५ रन जोडे ।
त्यस्तै कप्तान रोहित पौडेलले २४ बलमा ५ चौकाका साथ ३३ रन बनाए । कुशल मल्लले १३ बलमा ३४ रन जोड्ने क्रममा १ चौका र ४ छक्का प्रहार गरे ।
प्रतिक्रिया