टी–२० अभ्यास खेलः नेपाल र आयरल्याण्ड ए भिड्दै

काठमाडौं । नेपालले आज टी–२० अभ्यास खेलअन्तर्गत पहिलो खेल आयरल्याण्ड ए सँग खेल्दै छ ।

खेल दिउँसो १ बजे टी–यु क्रिकेट मैदानमा सुरु हुनेछ । नेपालले दोस्रो खेल मंगलबार खेल्नेछ । त्यसपछि नेपाल भारत भ्रमणमा जानेछ । नेपाल ए र आयरल्यान्ड ए बीच भने समान तीन टी–२० र एकदिवसीय अभ्यास खेल हुनेछन् । राहित पौडेलको कप्तानीमा रहेको नेपाली टीममा आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश ज.सी, अभिनाश बोहरा र आकाश चन्द रहेका छन् ।

यस्तै निल रक को कप्तानीमा रहेको आयरल्याण्डको टोलीमा भने पिटर मुर, रस आदिर,केड कार्माइकल, ग्यारेथ डेलानी, स्टीफन डोहेनी, म्याथ्यु फस्टर, फिन हृयान्ड, गेभिन होई, म्याथ्यू हम्फ्रेज, थोसम मेयस, लियाम म्याककार्थी, जेम्श म्याकुलम, मोर्गन टोप्पिङ र बेन हृवाइट जस्ता खेलाडीहरु रहेका छन् ।