ओडीआई सिरिजः टस जितेको नेपालले पहिला फिल्डिङ गर्दै

काठमाडौं । नेपालले आज क्यानडाविरुद्ध जारी सिरिजको अन्तिम खेल खेल्दैछ ।

सिरिज क्लिन स्विप गर्ने लक्ष्य सहित मैदान छिरेको नेपालले टस जितेर पहिला फिल्डिङ गर्ने निर्णय लिएको छ । आजको खेलमा हेमन्त धामीले डेब्यु गर्ने भएका छन् । नेपालले कुल ४ परिवर्तन गरेको छ ।पछिल्लो खेलबाट सूर्य तामाङ, रिजन ढकाल, सोमपाल कामी र आसिफ शेख टोलीबाट बाहिर हुँदा आरिफ शेख, ललित नारायण राजवंशी र कुशल भुर्तेल टोलीमा फर्केका छन् ।

नेपालको प्लेइङ ११ मा अनिल शाह, कुशल भुर्तेल, रोहित पौडेल (कप्तान), देव खनाल, भीम सार्की, कुशल मल्ल, आरिफ शेख, पवन सर्राफ, आकाश चन्द, हेमन्त धामी, ललित नारायण राजवंशी रहेका छन् । यस्तै सुर्य तामाङ, रिजन ढकाल, सोमपाल कामी, आसिफ शेख लगायतका खेलाडी बेञ्चमा रहेका छन् ।

यता, क्यानडाको प्लेइङ ११ मा भने आरोन जोन्सन, नवानित धलिवल, निकोलस किर्तन, डिलोन हेलिगर, हर्ष ठाकर, साद बिन जाफर (कप्तान), श्रेयास मोभा, उदय भगवान सिंह, श्रीमन्थ विजयरत्ने, डिलोन हेलीगर, निखिल दत्त रहेका छन् ।