धनगढी । बुधबार दिउँसो घरको छतबाट हाम फालेर आत्महत्या गरेको धनगढीका व्यवसायी सन्तोष अग्रवालले पारिवारिक कारणले आत्महत्या गरेको पाइएको छ ।
व्यवासयी अग्रवालको बुधबार नवजीवन अस्पतालमा मृत्यु भएको थियो । छोरासँग अंशबण्डाको विषयमा विवाद भएपछि उनले आत्महत्या गरेको खुलेको छ । प्रहरीका अनुसार काठमाडौं बस्दै आएका जेठा छोरा बुधबार बिहान घर आएका थिए । कान्छा छोरा भने सन्तोषसँगै धनगढीमा बस्थे ।
प्रहरी स्रोतका अनुसार अग्रवाल बिहान आफ्नै पसल सन्दीप स्टोरमा काम गरिरहेका थिए । त्यहीँ पुगेर जेठा छोराले अंशबण्डाको विषयमा कुरा उठाएपछि विवाद भएको थियो । सामाजिक सञ्जालमार्फत सार्वजनिक भिडियोमा अग्रवाल घरको छतमा चढेका बेला स्थानीयले त्यसो नगर्न भनेको सुनिन्छ तर उनी कसैको कुरा परवाह नगरी हाम फालेको देखिएको छ ।
प्रहरीका अनुसार घटना भइसकेपछि परिवारका सदस्य र छिमेकीले उनलाई अस्पताल पु¥याएका थिए । तर, उनलाई बचाउन भने सकिएन ।
प्रतिक्रिया