चितवन । आज बिहान त्रिशूली नदीमा खसेको भारतीय नम्बर प्लेटको बोलेरो जीप फेला परेको छ ।
आज बिहान एउटा गाडी नदीमा खसेको सूचना पाएपछि परिचालित गोताखोरको टोलीले भारतीय नम्बर प्लेटको बोलेरो जीप फेला पारेका हुन् । नारायणगढ–मुग्लिन सडकखण्ड अन्तर्गत चितवनको इच्छाकामना गाउँपालिका– ५ को तीन नम्बर पुल नजिकबाट त्रिशूली नदीमा गाडी खसेको सूचना पाएपछि गोताखोरको टोली परिचालन गरिएको थियो ।
तर कस्तो खालको गाडी हो र कहाँबाट कहाँ जाँदै थियो भन्ने केही खुलेको थिएन । डुंगासहित त्रिशूली नदीमा परिचालन गरिएको गोताखोरको टोलीले भारतीय नम्बर प्लेटेको बोलेरो गाडी फेला पारेको प्रहरीले जनाएको छ ।
यद्यपी, गाडीमा कति जना सवार थिए भन्ने कुरा भने हालसम्म कुनै जानकारी छैन् ।
प्रतिक्रिया