वीरगन्ज । वीरगन्ज महानगर पालिकाले सानो पाइला बचत तथा ऋण सहकारी संस्थाको कार्यालयमा आज ताला लगाएको छ ।
महानगरपालिकाका सहकारी शाखा प्रमुख सुनिल कुमार कर्णले वडा न ६ का वडा अध्यक्ष ज प्रकाश शाह अग्रवाल, जिल्ला प्रशासन कार्यालयका प्रतिनिधि ब्रहमदेवप्रसाद यादव, वडा प्रहरी कार्यालय बिर्ताका प्रतिनिधि प्रहरी सहायक निरीक्षक रामइश्वर महतोको रोहवरमा उक्त सहकारीको कार्यालयमा शिलबन्दी गरिएको हो ।
सानो पाइला बचत तथा ऋण सहकारी संस्थाले बचतकर्ताको करोडौं रुपियाँ फिर्ता नगरिरहेकोले कार्बाहीको प्रकृया अगाडि बढाएको र सोही क्रममा आज शिलबन्दी गरिएको महानगरपालिकाले जनाएको छ ।
ग्यालेक्सी फेरके टेलिभिजनका अध्यक्ष गितेन्द्रबाबु राई (जीबि) समूहले सञ्चालन गरेको उक्त सहकारीले सयौँ बचतकर्ताको करोडौँ रकम अपचलन गरेको छ ।
प्रतिक्रिया