मनाङ एयरको हेलिकप्टर सोलुखुम्बुको लोबुचेमा दुर्घटना, पाइलट गम्भिर घाइते

मनाङ । शनिबार बिहान रुम्झाटारबाट लोबुचे जाँदै गरेको एएस ३५०–बी ३ ई मनाङ एयरको हेलिकप्टर सोलुखुम्बुको लोबुचेमा दुर्घटना भएको छ ।

बिहान ७ बजेर ३० मिनेट जाँदा हेलिकप्टर दुर्घटना भएको हो । हेलिकप्टरमा अन्य यात्रु नभएको र पाइलट गम्भिर घाइते भएको जनाइएको छ । पाइलटलाई उपचारका लागि काठमाडोंको ह्याम्स हस्पिटल ल्याइँदै छ । नागरिक उड्डयन प्राधिकरणका सहप्रवक्ता ज्ञानेन्द्र भूलका अनुसार लुक्लाबाट बिहान ७ बजेर १३ मिनेटमा सोलुखुम्बुमा पर्यटक लिन गएको मनाङ एयरको हेलिकप्टर अवतरण गर्ने बेला दुर्घटनामा परेको हो ।

दुर्घटनाको कारण खुलिसकेको छैन । असन्तुलित भएर हेलिकप्टर दुर्घटना भएको अनुमान गरिएको छ ।दुर्घटनापछि जहाजमा आगलागी भएको छ । मनाङ एयरको यो एउटा मात्रै हलिकप्टर हो । जहाज लुक्लामै रहेको थियो ।