काठमाडौं । मंगलबार बाट सुरु भएको नेपाली कांग्रेसको केन्द्रिय समिति बैठक आजपनि जारी रहने छ ।
आजको बैठकमा केन्द्रीय सदस्यहरुले आ–आफ्नो धारणा राख्ने छन् । धारण राख्नका लागि प्रत्यकलाई ७ मिनेटको समय निर्धारण गरिएको छ । केन्द्रीय कार्यालय सानेपामा मंगलबार बसेको पार्टीको केन्द्रीय कार्य समितिको पहिलो दिनको बैठकमा शीर्ष नेताहरूले विभिन्न प्रतिवेदन पेस गर्दै सकिएको थियो ।
मंगलबार दिउँसो २ बजे सुरु भएको बैठक पार्टी सभापति शेरबहादुर देउवाले बैठक प्रारम्भ भएको घोषणा गरेसँगै महामन्त्री विश्वप्रकाश शर्माले बैठकको एजेन्डा राखेका थिए। त्यसपछि महामन्त्री गगनकुमार थापाले पार्टीको कार्ययोजना प्रस्तुत गरेका थिए । बैठकमा निर्वाचन परिचालन समितिको प्रतिवेदन, अनुशासन आयोगको प्रतिवेदन पनि पेस भएको छ।
त्यसैगरी पार्टीका उपसभापति तथा उपप्रधानमन्त्री पूर्णबहादुर खड्काले सरकार सञ्चालनका सम्बन्धमा प्रस्तुति दिएको र प्रमुख सचेतक रमेश लेखकले पार्टीको संसदीय भूमिकाको सम्बन्धमा विषय राखेका थिए । आजको बैठक बिहान ११ बजेबाट सुरु हुनेछ ।
प्रतिक्रिया