चितवनको दासढुङगामा बस दुर्घटना, १९ जना घाइते

चितवन । चितवनको दासढुङगा नजिकै यात्रुबाहक बस दुर्घटना हुँदा १९ जना यात्रु घाइते भएका छन् ।

शुक्रबार बिहान ५ बजेको समयमा कांकडभिट्टाबाट काठमाडौंतर्फ आउँदै गरेको बागमती प्रदेश०१–००६ ख ५२३७ नम्बरको बस अनियन्त्रित भई दुर्घटना भएको हो । बस सडकबाट करिब १० मिटर तल खसेको छ । बसमा सवार चालकसहित ४० जनामध्ये १९ जना घाइते भएको जिल्ला प्रहरी कार्यलय चितवनले जनाएको छ। घाइतेहरुको पुरानो मेडिकल कलेजमा उपचार भइरहेको छ । घटनास्थलमा जिल्ला प्रहरी कार्यलयबाट २५ जनाको उद्धार सहितको टोली खटीएको छ ।

घाइते हुनेहरुमा भारत सिलगुडी बस्ने वर्ष ६० की कमला सुब्बा,भारत सिलगुडी बस्ने वर्ष ४४ की लक्की सुब्बा,मोरङ हरैचा नगरपालिका ३ बस्ने वर्ष २३ को सुसान्त सुब्बा,हरैचा ८ बस्ने वर्ष ३४ की सुनिता लामीछाने,सुनसरी बस्ने वर्ष ४० की संगिता मगर,झापा मेची नगरपालिका ११ बस्ने वर्ष ३२ की सुमिमा राई भक्तपुर महानगरपालिका १ बस्ने वर्ष ३० को मिलन तामाङ, ललितपुर गोदावरी नगरपालिका ७ बस्ने वर्ष २७ का सुमन लामा,भोजपुर अरुण गाउँपालिका १ बस्ने वर्ष २९ का नन्द बहादुर पाण्डे, वर्ष १९ को लिला बहादुर पाण्डेको पुरानो मेडिकल कलेजमा उपचार भइरहेको छ ।

त्यस्तै सहचालक सर्लाही लालबन्दी नगरपालिका १० बस्ने वर्ष ३६ का बिक्रम मगर,कन्टेक्टर धादिङ निकण्ठ ७ बस्ने वर्ष ३६ को दिल बहादुर श्रेष्ठ,बसमा सवार सुनसरी रक्तमाला नगरपालिका ५ बस्ने वर्ष २९ की मनिका राई, बसमा सवार मोरङ हरैचा नगरपालिका ५ बस्ने वर्ष २५ की कल्पना राई, वर्ष २५ की सपना राई, धनकुटा सहिदभुमी गाउँपालिका ४ बस्ने वर्ष ३८ की विश्वलक्ष्मी राई,निजकै छोरी वर्ष चारकी दिब्या राई,बस चालक मकवानपुर हेटौंडा उपमहानगरपालिका २ बस्ने वर्ष ३७ का बादल कुमारको भरतपुर सरकारी अस्पतालमा उपचार भइरहेको छ ।

घाइतेहरुको अवस्था भने सामान्य रहेको प्रहरीले जनाएको छ ।