एजेन्सी । एसीसी यू–१६ इस्ट जोन कप क्रिकेटको उपाधिका लागि आज जारी खेलमा नेपालले मलेसियाविरुद्ध ब्याटिङ गर्ने भएको छ ।
नेपालले टस जितेर पहिले व्याटिङ गर्ने निर्णय गरेको हो । समूह ए मा दुवै खेल जितेर विजेता बनेको नेपालले सेमिफाइनलमा सिंगापुरलाई ९७ रनले पराजित गर्दै फाइनलमा स्थान बनाएको थियो । अर्कोतर्फ घरेलु टोली मलेसियाले सेमिफाइनलमा समूह बी को विजेता हङकङलाई ७८ रनले हराएर नेपालसँगको भेट पक्का गरेको हो ।
मलेसिया पनि समूह ए मा नै थियो । समूह चरणमा नेपालले मलेसियामाथि ८४ रनको फराकिलो जित निकालेको थियो । नेपाल अहिलेसम्म प्रतियोगितामा अपराजित छ भने मलेसिया नेपालसँग मात्र पराजित भएको थियो ।
प्रतिक्रिया