काठमाडौंमा प्रहरीले चलायो गोली, १ जना घाइते

काठमाडौं । आइतबार बिहान काठमाडौंको सिनामंगलमा प्रहरीले गोली चलाएको छ ।

लागुऔषध ओसारपसारमा संलग्न गिरोह पक्राउ गर्ने क्रममा प्रहरीले गोली चलाएको हो । लागूऔषध नियन्त्रण ब्यूरोको टोलीले ओसार पसारमा संलग्नको आशंकामा पक्राउ गर्ने क्रममा विकास भगतमाथि गोली चलाएको हो । प्रहरीले गोली लागेर घाइते भएका उनलाई उपचारका लागि काठमाडौं मेडिकल कलेज पठाइएको लागू औषध नियन्त्रण ब्यूरोले जनाएको छ ।

भगतबाट प्रहरीले १०० ग्राम लागू औषध नियन्त्रणमा लिएको छ । ठूलो मात्रामा लागूऔषध ओसारपसार गरेको आशंकामा ब्यूरोबाट प्रहरी निरीक्षकको टोलीले भगतलाई पछ्याएको थियो । प्रहरीका अनुसार भगतले प्रहरीको टोलीमाथि आक्रमण गरेपछि गोली चलेको जनाएको छ ।