काठमाडौं । भूमि व्यवस्था, सहकारी तथा गरिबी निवारण मन्त्री रञ्जिता श्रेष्ठ चौधरीले इलामको चुलाचुली गाउँपालीकामा रहेका सुकुम्वासीहरुलाई जग्गाधनी लालपूर्जा प्रदान गरेकी छन् ।
उनले २५ सुकुम्वासी परिवारलाई बुधबार लालपूर्जा प्रदान गरेकी हुन् । राष्ट्रिय भूमि आयोग जिल्ला समिति इलामको समन्वयमा लाल पूर्जा वितरण गरिएको हो । लाल पूर्जा वितरण गर्दै मन्त्री रञ्जिताले देशभरका सुकुम्वासीलाई वसोवासको ग्यारेण्टि गर्दै भूमिको स्वामित्व प्रदान गर्ने आफ्नो प्रमुख एजेण्डा रहेको बताइन् ।
सिमान्तकृत, गरिब, पिछडियका, भूमिहीन समूदायको उत्थान नै आफ्नो दायित्व भएकाले यसलाई अभियानका रुपमा आफुले काम गरिरहेको उनकोे भनाई छ । आफ्नो पार्टी नागरिक उन्मुक्तिको लक्ष्य समेत समस्याबाट ग्रसित अवस्थामै जीवनयापन गरिरहेका जनताको उत्थानमा प्रभावकारी भूमिका रहेको भन्दै उनले जनताको माग मुद्दा सम्बोधनमा कहिलेई पछि नहट्ने प्रतिबद्धता समेत जनाइन् । इमानमा मात्रै नभई झापामा रहेका सुकुम्वासीहरुलाई समेत जग्गाधनी लालपूर्जा वितरण गरिएको छ ।
प्रतिक्रिया