रास्वपा सांसद सोविताले गरिन विवाह

काठमाडौं । राष्ट्रिय स्वतन्त्र पार्टी (रास्वपा)की सांसद सोविता गौतम विवाह बन्धनमा बाँधिएकी छन् ।

उनले सुटुक्क व्यवसायी गृहेन्द्र घिमिरेसँग लगन गाँठो कसेका हुन् । पारिवारिक स्रोतका अनुसार भक्तपुरको कमेरेटारस्थित सोबिताको माइतीघरमा आयोजित धार्मिक अनुष्ठानकै अवसरमा गत साता वैवाहिक विधि पूरा गरिएको हो । तर, विवाहको बारेमा हालसम्म पनि कुनै तस्विरहरु सार्वजनीक भएका थिएनन् ।

गृहेन्द्र गृष्मा ब्रोडकास्टिङको चेयरपर्शन हुन् । उनले सातवटै प्रदेशमा सप्तरङ्ग इभेन्ट आयोजना गर्दै आइरहेका छन् । २८ वर्षिया सोविता गत मंसिरमा भएको आमनिर्वाचनमा प्रत्यक्षतर्फ काठमाडौं–२ बाट विजयी भएकी हुन् ।

पछिल्लो समय प्रतिनिधिसभामा सोविताको महत्वपूर्ण बिषयमा तार्किक तर्क गर्ने सांसदमा गनिएकी छन् ।