काठमाडौं । नेपालकै पुरानो एवम प्रतिष्ठित जेसिज शाखा काठमाडौं जेसिजले समुदायमा आधारित जेसिज सप्ताह अन्तर्गतको छ वटा कार्यक्रम सम्पन्न गरेको छ ।
२०८० बैशाख ३० गते शनिबार पशुपतीनाथ प्राङणमा रक्तदानबाट सुरुगरेको जेसिज सप्ताह बैशाख ६ गते शंखारापुर–०१ मा कारीब २०० जना बिच फ्री दन्त शिबिर एवम घरेलु सेनेटरी प्याड तालिम र स्वास्थ जनचेतना मुलक सम्मको छ वटा कार्यक्रम सम्पन्न गरेको छ ।
यसक्रममा २०८० जेष्ठ १ गते साउथ वेष्टर्न स्टेट कलेजका करिब ४०० जना बिद्यार्थी र शिक्षकहरु बिच छालादान र जलन सम्बधी सचेतना मुलक कार्यक्रम , जेष्ठ २ गते हाम्रो बाल संरक्षण नेपाल टोखा रहेका ४० भन्दा बढी टुहुरा बालबालिकाहरुमा सहयोग कार्यक्रम, जेष्ठ ३ गते निसहाय सेवा सदनमा रहेका ४० भन्दा बढी जेष्ठ नागरिकहरु बिच भेटघाट र सहयोग कार्यक्रम, जेष्ठ ५ गते एक्मी इन्जीनियरिङ्ग कलेजमा १४० भन्दा बढी इन्जीनियरिङ्गका बिद्यार्थीहरुबिच डिजिटल भुक्तानीका फाईदा र चुनौती बिषयक सचेतनात्मक कार्यक्रम गरेको काठमाडौं जेसिज बर्ष २०२३ का महसचिब जेसी गोविन्द ओझाले जानकारी दिए ।
साथै उनले जेसिज सप्ताहको अन्तिम कार्यक्रम यसै हप्ताको अन्तिममा समाजिक बिषयमा आधारित लाइभ टक सो गरि सम्पन्न गर्ने जानकारी दिए । प्रत्यक कार्यक्रममा छुट्टाछुट्टै जेसिज सदस्यलाइ कार्यक्रम व्यवस्थापनको जिम्माका साथै जेसिज भित्र रहेको ४ वटा अवसरका क्षेत्रहरु मध्ये समुदाय सँग जोडीएर ब्यक्तित्व र नेत्रित्व बिकासगर्न जेसिज सप्ताहलाई नेपालभरीका जेसिजहरुले महत्वका साथ मनाउने गर्दछन ।
प्रतिक्रिया