अनुसन्धान प्रतिवेदन सरकारी वकिलको कार्यालयमा बुझाउने तयारि

काठमाडौं । नक्कली भुटानी शरणार्थीमा मुछिएकाहरु माथीको अनुसन्धान प्रतिवेदन प्रहरीले सोमबार सरकारी वकिलको कार्यालयमा बुझाउने तयारी गरेको छ ।

जिल्ला प्रहरी कार्यालय काठमाडौंले नक्कली शरणार्थी प्रकरणमा पक्राउ परेकाहरु माथि गरिएको अनुसन्धान प्रतिवेदन सरकारी वकिलको कार्यलयमा बुझाउन लागेको हो । नेपाली नागरिकलाई भुटानी शरणार्थी बनाएर अमेरिका पठाइदिन्छु भन्दै करोडौं असुली गर्ने प्रयासमा कम्तिमा ३२ जना संलग्न रहेको निष्कर्षका साथ सोमबार प्रतिवेदन बुझाउन लागिएको प्रहरीले जनाएको छ ।

सो प्रकरणमा पूर्व गृहमन्त्री बालकृष्ण खाँड, पूर्व मन्त्री टोपबहादुर रायमाझी, नेपाल सरकारका सचिव टेकनारायण पाण्डेलगायतलाई पक्राउ गरी झन्डै दुई महिनादेखि जारी अनुसन्धानको प्रारम्भिक प्रतिवेदन बुझाउन लागेको प्रहरीले जनाएको छ ।