काठमाडौं । नक्कली भुटानी शरणार्थी प्रकरणमा बैशाख २७ गते पक्राउ परेका पूर्व गृहमन्त्री तथा नेपाली कांग्रेसका प्रभावशाली नेता बालकृष्ण खाणसँग मंगलबार पनि बयान लिइने भएको छ ।
खाँणको सोमबारबाट मात्रै विषय केन्द्रित भएर बयान सुरु भएको र सोमबार स्वास्थ्य अवस्थाका कारण बयान दिन नमानेपछि बाँकी बयान मंगलबार लिन लागिएको हो । सो प्रकरणमा मुछिए पनि खाणले मोबाइल फरम्याट गरेको तथा सो मोबाइलको ‘डाटा रिकभर’ हुनका लागि समय लागे पछि सोमबारबाट मात्रै उनको बयान सुरु गरिएको प्रहरीले जनाएको छ ।
आरोपमा मुछिएका मुख्य आरोपित केशव दुलाल र सानु भण्डारीले सो काण्डमा गृहमन्त्रीको हैसियतमा खाणको पनि संलग्नता रहेको र मन्त्रालयमा नै लगेर १ करोड ४६ लाख रुयैँया दिएको बयान दिए पछि खाँण सो प्रकरणमा तानिएका हुन् ।
साथै, तत्कालीन गृह सचिव टेकनारायण पाण्डेले पनि मन्त्रीको संलग्नतामा आफूले काम कारबाही अघि बढाएको बयान दिए पछि खाणलाई पक्राउ गरी हिरासतमा लिइएको हो ।
प्रतिक्रिया