काठमाडौं । नक्कली भुटानी शरणार्थी प्रकरणमा प्रहरीको फरार सुचिमा रहेका पूर्वउपप्रधानमन्त्री टोपबहादुर रायमाझी पक्राउ परेका छन् ।
उनलाई काठमाडौको बुढानीलकण्ठ बाट आइतबार साँझ पक्राउ गरिएको काठमाडौं प्रहरीले जनाएको छ । उनीविरुद्ध जिल्ला अदालत काठमाडौंले २० वैशाखमा पक्राउ पुर्जी जारी गरेको थियो । पक्राउ पुर्जी जारी हुँदा गृहजिल्ला अर्घाखाँचिमा एक कार्यक्रममा रहेका उनि बुटवलबाटै फरार भएका थिए ।
आफु निर्दोष भएको र प्रहरीलाई अनुसन्धानमा सघाउने बताएर बुटवल सम्म संघिय संसदका सभामुख देवराज घिमिरे संगै आएका उनि बिचबाटोबाटै फरार भएका थिए । यही प्रकरणमा अनुसन्धानका लागि प्रहरीले रायमाझीका छोरा सन्दीपलाई भने २० वैशाखमा नै पक्राउ गरेको थियो ।
प्रतिक्रिया