काठमाडौं। प्रधानमन्त्री पुष्पकमल दाहाल प्रचण्ड नेतृत्वको सरकारलाई दिएको समर्थन कायम राख्ने कि फिर्ता लिने भन्ने बिषयमा निर्णय गर्न राष्ट्रिय स्वतन्त्र पार्टीको बैठक सुरु भएको छ ।
रास्वपाको केन्द्रीय समिति र संसदीय दलको संयुक्त बैठक साँझ ५ बजे बस्ने भनिए पनि एक घण्टा ढिला गरी सुरू भएको हो । नागरिकता विवादमा पार्टी सभापति रवि लामिछानेको सांसद पद गुमेपछि रास्वपाका मन्त्रीहरु सरकारबाट बाहिरिएका थिए । तर उसले सरकारलाई दिएको समर्थन भने कायमै राखेको छ ।
उपचुनाव सकिएलगत्तै सभापति रवि लामिछाने र सांसद डा. स्वर्णिम वाग्लेले संसद प्रवेश गरेपछि रास्वपाले वार कि पारको निर्णय लिन लागेको हो । सभापति लामिछाने र सांसद वाग्लेले यसअघिनै स्थिरताका नाममा अक्षम सरकारलाई बोकिराख्ने छुट नहुने दाबी गरेका थिए ।
वैशाख १० को उपनिर्वाचन जितेर लामिछाने पुनः सांसद बनेपछि रास्वपालाई सरकारमा ल्याउन प्रधानमन्त्री पुष्पकमल दाहाल प्रचण्डले भने निरन्तर कसरत गरिरहेका छन् ।
प्रतिक्रिया