काठमाडौं । त्रिवि क्रिकेट मैदान किर्तिपुरमा जारी एसीसी प्रिमियर कप अन्तर्गत नेपाल र यूएई बिचको फाइनल खेल आजका लागि स्थगित भएको छ ।
टस हारेर ब्यटिङ गरेको नेपालले २७.३ ओभरमा ९ विकेट गुमाएर १०६ रन बनाउँदा खेल वर्षाले रोकिएको थियो । बिहान ११ बजेर ४८ मिनेटमा रोकिएको खेल सोही अवस्थाबाट मंगलबार विहान ९ बजेदेखि सुरु हृुनेछ । रिजर्भ डे राखिएको यो खेलवर्षाका कारण हुन नसक्ने भएपछि म्याच रेफ्री सारिका प्रसादले रिजर्भ डेका दिन बाँकी खेल खेलाउने निर्णय गरेका हुन् ।
मंगलबारपनि मौसमका कारण खेल हुन नसके आईसीसी वरीयताका आधारमा नेपाल विजयी हुनेछ । त्यसअघि सुपर ओभरबाट नतिजा निकाल्ने प्रयास गरिनेछ ।
प्रतिक्रिया