रेशमको रिहाइ असंवैधानिक भएको भन्दै सर्वोच्चमा रिट, बुधबार पेसी

काठमाडौं । गणतन्त्र दिवसको अवसरमा टीकापुर घटनामा दोषी ठहर भइ सजाय भुक्तान गरिरहेका रेशम चौधरीलाई राष्ट्रपतिबाट आममाफी दिइएको विरुद्ध सर्वोच्च अदालतमा रिट निवेदन दायर भएको छ ।

मंगलबार टीकापुर घटनामा मारिएका सुरक्षाकर्मी केशव बोहोराकी पत्नी शारदा बोहोराले चौधरीको आममाफी सम्बन्धी निर्णय असंवैधानिक रहेको भन्दै रिट निवेदन दर्ता गराएकी हुन् । सर्वोच्च अदालत प्रशासनका अनुसार उक्त रिट निवेदन दर्ता भई बुधबारका लागि पेसी तोकिएको छ । सरकारको सिफारिसमा राष्ट्रपति रामचन्द्र पौडेलले रेशम चौधरीलाई आममाफी दिएका थिए ।

राष्ट्रपतिको सो निर्णयसँगै चौधरी सोमबार रिहा भइसकेका छन् । चौधरी रिहाइ भएपछि पछिल्लो समय चौतर्फि आलोचना भइरहेको छ ।