पहिचानवादी र प्रहरीबीच झडप, अवस्था तनावग्रस्त

बिराटनगर । प्रदेशको नाम परिवर्तन गर्न माग राख्दै आन्दोलनमा उत्रिएका पहिचानवादीहरुको समुहले विराटनगरको देवकोटा चोकमा विरोध प्रदर्शनन गरिरहेका छन् ।

प्रदेशको नाम कोशी राखिएको विरोधमा आन्दोलनमा उत्रिएका आन्दोलनकारीहरुले आइतबार बिहानै देखि प्रदेशसभा भवन वरिपरि विरोध गरिरहेका हुन् । यतिबेला विराटनगरको देवकोटा चोक निकै तनावग्रस्ट स्थितिमा पुगेको छ । प्रहरी र प्रदर्शनकारीबीच झडप भएका कारण स्थिति तनावग्रस्त भएको हो ।

प्रदेश सभा छेउको निषेधित क्षेत्रमा प्रदर्शन गरेको भन्दै प्रहरीले रोक्न खोजेको थियो। त्यसक्रममा प्रदर्शनकारीले प्रहरीमाथि ढुंगा प्रहार गरेका थिए। त्यसपछि प्रहरीले भिड तितरवितर पार्न अश्रुग्याँस र पानीको फोहोरा प्रयोग गरेको छ । आइतबारबाट प्रदेशसभा भवन घेर्न भन्दै भेला भएका प्रदर्शनकारीले एकै रंगको पोशाक र हेलमेट प्रयोग गरेका थिए ।

प्रदर्शनको क्रममा प्रहरीले १७ जनालाई नियन्त्रणमा लिएको छ ।