रुकुमपश्चिको बाँफिकोट गाउँपालिकामा जिप दुर्घटना, ४ जनाको मृत्यु

रुकुम । रुकुमपश्चिको बाँफिकोट गाउँपालिका दुलिमा यात्रुबाहक जिप दुर्घटना हुँदा पाँच दिनको बच्चासहित ४ जनाको मृत्यु भएको छ।

बिहिबार बिहान ७ बजे बाँफिकोट गाउँपालिका–८ तोरीधारामा जिप दुर्घटना भएको इलाका प्रहरी कार्यालय बाँफिकोटले जनाएको छ। सानीभेरी गाउँपालिकादेखि रुकुमपश्चिमको खलंगाका लागि छुटेको लु १ ज १७४७ नम्बरको जिप दुर्घटनामा परेको हो। प्रहरीका अनुसार हालसम्म ४ जनाको मृत्यु भएको र उद्दार कार्य जारि रहेको जनाएको छ ।

दुर्घटना ग्रस्त जिपमा १४ जना यात्रु सवार रहेका थिए । दुर्घटनामा घाइते भएकाहरुलाई हेलिकप्टर मार्फत उपचारका लागि लैजाने तयारि भएको प्रहरीले जनाएको छ ।

दुर्घटनाको कारण भने हालसम्म पनि खुल्न सकेको छैन् ।