संसद सचिवालयलाई सांसद कोइरिको पत्रःअस्वस्थ भएकाले उपस्थित हुन सकिन

काठमाडौं । नेकपा एमालेका सांसद लक्ष्मी महतो कोइरीले आफ्नो स्वास्थ्य अवस्थाका कारण संसद बैठकमा उपस्थित हुन नसकेको भन्दै संसद सचिवालयलाई पत्र पठाएका छन् ।

नेपालको संविधान अनुसार लगातार १० वटा संसद बैठकमा बिना कुनै सुचना अनुपस्थित भएको खण्डमा स्वतहः पद जाने उल्लेख गरिएको छ । तर महतो १० वटा भन्दा बढी बैठकमा अनुपस्थित भइसकेका छन् । उनले बिहिबार संसद सचिवालयलाई अस्वस्थ रहेको भन्दै पत्र पठाएका छन् ।

यसबीचमा कोइरीले दुई पटक पत्र पठाइएका छन् । उनले पत्रमा लेखेका छन्, ‘माघ २५ गतेदेखि असस्थ भई उपस्थित हुन सकेको छैन । सुधार भएपछि उपस्थित हुन्छु ।’ महोत्तरी १ बाट निर्वाचित कोइरी २०७२ सालमा भएको मधेश आन्दोलनका क्रममा सशस्त्र प्रहरी बलका असई थमन बिक हत्याको घटनाका अभियुक्त हुन् ।

उनि यतिबेला प्रहरीको फरार सुचिमा रहेका छन् ।