बारा । बारा निर्वाचन क्षेत्र नम्बर २ मा जनता समाजवादी पार्टीका अध्यक्ष उपेन्द्र यादवले आफ्नो अग्रतालाई कायमनै राखेका छन् ।
उनले हालसम्म गणना भएका मतमध्य ८ हजार ८ सय ८१ मत प्राप्त गरेका छन् । उनका निकटतम् प्रतिस्पर्धी जनमत पार्टीका शिवचन्द्र कुशवाहले प्राप्त गरेको मत ६ हजार १ सय ७९ रहेको छ । यि दुई बिचको मतको अन्तर भने २ हजार ७ सय २ रहेको छ । साथै तेस्रो स्थानमा नेकपा एमालेका पुरुषोत्तम पौडेल रहेका छन् । उनको खातामा ३ हजार ५ सय ३८ मत रहेको छ ।
त्यस्तै राष्ट्रिय स्वतन्त्र पार्टीका उम्मेदवार रमेश खरेलले भने यि उम्मेदवार भन्दा निकै पछाडी देखिएका छन् । आइतबार भएको उपनिर्वाचनमा बारामा करिब ६३ प्रतिशत मतदान थियो ।
प्रतिक्रिया