तनहुँ । प्रतिनिधिसभा सदस्य उपनिर्वाचनअन्तर्गत तनहुँ–१ मा जारी मतगणना अनुसार राष्ट्रिय स्वतन्त्र पार्टीका उम्मेदवार स्वर्णिम वाग्ले १३ हजार ७ सय ४९ मत सहित अग्रस्थानमा रहेका छन् ।
आइतबार राति बाटै सुरु भएको मतगणनामा उनले सुरुवाती चरणबाटै आफ्नो अग्रता कायम रखेका छन् भने पछिल्लो समय उनले आफ्नो अग्रतालाई दोब्बर बनाउँदै लगेका छन् । उनलाई पच्छाइरहेका नेपाली कांग्रेसका उम्मेदवार गोविन्द भट्टराईले ८ हजार ३६ मत सहित दोस्रो र र नेकपा एमालेका सर्वेन्द्र खनालले ४ हजार ३ सय ९५ मत प्राप्त गर्दै तेस्रो स्थानमा रहेका छन् ।
तनहुँमा चुनावी प्रतिस्पर्धामा रहेका प्रमुख दल नेपाली कांग्रेसका उम्मेदवार गोविन्द भट्टराई र नेकपा एमालेका उम्मेदवार सर्वेन्द्र खनाल दुबैले प्राप्त गरेको भन्दा पनि रास्वपाका वाग्लेले प्राप्त गरेको मत दोब्बरले बढी रहेको छ ।
तनहुँ–१ मा आइतबार भएको उपनिर्वाचनमा ६३ हजार ७ सय ५७ अर्थात ५३ प्रतिशतको हाराहारीमा मत खसेको थियो ।
प्रतिक्रिया