उम्मेदवारी दर्ता गर्न अष्टलक्ष्मी र ममता झा बानेश्वरमा

काठमाडौं । उपराष्ट्रपति पदमा उम्मेदवारी दर्ता गर्न नेकपा एमालेकी नेतृ अष्टलक्ष्मी शक्य र जनमत पार्टीकी नेतृ ममता झा नयाँ बानेश्वर पुगेकी छन् ।

उम्मेदवारी दर्ता गर्न शाक्य र झा मुख्य निर्वाचन अधिकृत कार्यालय बानेश्वर पुगेकी छन् । एमाले सचिवायल बैठकले शाक्यलाई उपराष्ट्रपतिको उम्मेदवार बनाएको हो । यस्तै, जनमत पार्टीकी नेतृ ममता झा पनि उपराष्ट्रपति पदमा उम्मेदवारी दर्ता गर्न मुख्य निर्वाचन अधिकृत कार्यालय बानेश्वर पुगेकी छन् ।

सत्तारुढ १० दलहरुको बैठकले उपराष्ट्रपतिमा साझा उम्मेदवारमा सहमति जुट्न नसकेपछि झाले उम्मेदवारी गर्न बानेश्वर पुगेकी हुन् । सत्ता गठबन्धनबाट जसपाका संसदीय दलका नेता राम सहाय प्रसाद यादव पनि उपराष्ट्रपतिमा उम्मेदवार बनेका छन् ।