उपराष्ट्रपतिमा जनमतको पनि दाबी

काठमाडौं । उपराष्ट्रपति पदमा जनमत पार्टीले पनि दाबी गरेको छ ।

जनमत पार्टीका उपाध्यक्षसमेत रहेका खानेपानीमन्त्री अब्दुल खानले जनमत पार्टीले ममता झालाई उपराष्ट्रपतिको उमेदवार बनाउने तयारी गरेको छ । सत्ता गठबन्धनमा भने जनता समाजवादी पार्टी (जसपा) लाई दिने उपराष्ट्रपति दिने सहमति भइसकेको बताइएको छ । तर, उपराष्ट्रपतिको मनोनयन दर्ता नजिकिएसँगै दलहरुले आ–आफ्नो दाबी गर्न थालेका हुन् ।

नागरिक उन्मुक्ति पार्टी (नाउपा) ले अध्यक्ष रञ्जिता श्रेष्ठ चौधरीलाई उठाउने भनेपनि उनको उमेर नपुग्ने भएपछि गठबन्धनमा छलफल गर्ने निर्णयमा पुगेको छ । जसपाले संसदीय दलका नेता रामसहायप्रसाद यादवलाई उमेदवार बनाउने निर्णय गरिसकेको छ । तर, निर्वाचन आयोगले खस आर्य समुदायबाट महिला र अन्य समुदायका पुरुषलाई पनि उमेदवार नबनाउने गरी विज्ञप्ति जारी गरेपछि अन्योल बढेको छ ।