काठमाडौं । राष्ट्रपतिको उम्मेदवार चयनका लागि नेपाली कांग्रेसको केन्द्रीय कार्यसम्पादन समितिको बैठक शनिबार बिहान बस्ने भएको छ ।
शनिबार बिहान ८ः३० बजे पार्टीको केन्द्रीय कार्यालय, सानेपामा बैठक बस्ने तय भएको हो । राष्ट्रपतिमा प्रधानमन्त्री पुष्पकमल दाहाल प्रचण्ड बाट ग्रिन सिग्नल पाएको कांग्रेसले आज पनि तत्कालिन ५ दलिय गठबन्धनमा अवद्ध दलहरुसंग छलफल गर्ने छ ।
राष्ट्रपति निर्वाचनका लागि कांग्रेस भित्रै बरिष्ठ नेता रामचन्द्र पौडेल र कृष्णप्रसाद सिटौलाको सम्भावित उम्मेदवारका रुपमा चर्चामा रहेका छन् । यद्यपी पर्टी सभापति शेरबहादुर देउवाको नाम पनि चर्चामा रहेको छ । यदी कांग्रेसले राष्ट्रपति पाउने अवस्था बनेमा बरिष्ठ नेता पौडेल नै उम्मेदवार बन्ने सम्भावना पनि बलियो बन्दै गएको छ ।
फागुन २५ गते हुने राष्ट्रपति पदको निर्वाचनका लागि फागुन १३ गते शनिबार मनोनयन दर्ताको कार्यक्रम छ ।
प्रतिक्रिया