कास्की । पोखरा अन्तर्राष्ट्रिय विमानस्थलमा आजदेखि इन्स्ट्रमेन्ट फ्लाइट रुल्स (आइएफआर) प्रणाली लागु भएपछि विमानस्थल रात्रिकालिन उडानका लागि तयार भएको छ ।
यो प्रणाली लागू भएसँगै पोखरा विमानस्थलबाट रातिको समयमा पनि सहज रुपमा उडान र अवतरण गर्न सकिने विमानस्थल प्रशासनले जनाएको छ । आइएफआर प्रणाली लागु भइसकेपछि बुद्ध एयरको विमानले बिहानको पहिलो फ्लाइट विमानस्थलमा अवतरण गरिसकेको विमानस्थल प्रशासनको भनाइ छ भने यती एयरलाइन्सले शुक्रबार उक्त प्रणाली अन्तर्गत उडान र अवतरण गर्ने तयारी गरेको छ ।
गत मंगलबार र बुधबार आइएफआर प्रणालीको परिक्षण गरिएको थियो । यो प्रणाली लागु भएपछि अब विमानस्थल बिहान ६ बजेदेखि राति १२ बजेसम्म दैनिक १८ घण्टा सेवा दिनका लागि तयारी अवस्थामा रहेको छ । अहिलेसम्म विमानस्थलमा दिउँसो ४ बजेसम्म मात्रै उडान अवतरणको कार्य भइरहेको थियो ।
प्रतिक्रिया