रावल बने प्रगतिशिल बैदेशिक रोजगार व्यवसायी मञ्चको अध्यक्ष

काठमाडौं । नेकपा एमाले समर्थित वैदेशिक रोजगार व्यवसायीको संस्था प्रगतिशील बैदेशिक रोजगार व्यवसायी मञ्च नेपालको अध्यक्षमा महासचिव जनक रावल मनोनीत भएका छन ।

मञ्चका अध्यक्ष राजेन्द्र भण्डारी नेपाल वैदेशिक रोजगार व्यवसायी संघको अध्यक्षमा निर्वाचित भएपछि महासचिव रावल मञ्चको अध्यक्ष भएका हुन । रावल २ कार्यकाल मञ्चको सदस्य, २ कार्यकाल उपाध्यक्ष र एक कार्यकाल महासचिव भएका थिए । त्यस्तै मञ्चको उपमहासचिव मिलन कट्टेल महासचिवमा बढुवा भएका छन् ।

बैरो संघको निर्वाचनमा उनी मञ्चको तर्फबाट महासचिवको उम्मेदवार बनेका थिए । यसअघिका सचिव राजेद्र अधिकारीले उप–महासचिव र श्याम चन्द्र खतिवडाले सचिवको जिम्मेवारी पाएका छन । मञ्चमा अन्य पदाधिकारी र सदस्यहरु भने यथावत रहेका छन् ।