रियल फिफा क्लब विश्वकपको फाइनलमा

एजेन्सी । स्पेनिस क्लब रियल मड्रिड फिफा क्लब विश्वकप फुटबलको फाइनलमा प्रवेश गरेको छ ।

बुधबार राति भएको सेमिफाइनलमा इजिप्टको अल अहली स्पोर्टिङ क्लबलाई ४–१ गोल अन्तरले हराउँदै रियल फाइनलमा प्रवेश गरेको हो । खेलको ४२ औं मिनेटमा भिनिसियस जुनियरले गोल गर्दै रियललाई सुरुआती अग्रता दिलाएका थिए । खेलको ४६ औं मिनेटमा फेडेरिको भाल्भर्देले गोल गर्दा रियलको अग्रता दोब्बर बन्यो ।

खेलको ६५ औं मिनेटमा अलि मालोउलले गोल गर्दै अल अहलीलाई २–१ को स्थितिमा ल्याए । खेलको इन्जुरी समयको दोस्रो मिनेटमा रोड्रिगोले गोल गर्दै रियललाई ३–१ को अग्रता दिलाए । त्यसपछि इन्जुरी समयको आठौं मिनेटमा सेर्जियो अरिबासले गोल गर्दै रियललाई ४–१ को जित दिलाए ।

अब रियलले उपाधिका लागि शनिबार साउदी अरेबियाको अल हिलालसँग प्रतिस्पर्धा गर्नेछ। अल हिलाल ब्राजिलको फ्लामियालाई पराजित गर्दै फाइनलमा पुगेको हो।