काठमाडौं । नेकपा एकीकृत समाजवादीका अध्यक्ष माधव कुमार नेपालले शेरबहादुर देउवा र पुष्पकमल दाहालबीच गठबन्धन ट्टनुमा चारवटा कारण रहेको विश्लेषण सुनाएका छन् ।
अर्कोतर्फ केपी ओली र दाहाबीचको गठबन्धन आगामी राष्ट्रपति निर्वाचनसम्म मात्र रहने नेता नेपालको दाबी छ । शनिबारदेखि राजधानीमा सुरु भएको पार्टीको दुई दिने केन्द्रीय कमिटीको बैठकमा अध्यक्ष नेपालले २४ पृष्ठ लामो राजनीतिक प्रतिवेदन प्रस्तुत गर्दै देउवाको घमण्ड, दाहालको सत्तामोह र ओलीको षड्यन्त्रका कारण गठबन्धन टुटेको दाबी गरे ।
नेता नेपालले शनिबार बैठकलाई सम्बोधन गर्नेक्रममा केपी ओली र दाहालबीच खटपट सुरु भइसकेको बताउँदै यो गठबन्धन राष्ट्रपतिको चुनावसम्म मात्रै जाने दाबी समेत गरे ।
आम निर्वाचनपछि अप्रत्याशित रुपमा नयाँ परिस्थिति निर्माण भएको बताउँदै नेता नेपालले यसका पछाडि चारवटा कारण रहेको बताएका छन्:
१. निर्वाचनबाट ठूलो दल बनेपछि नेपाली कांग्रेसमा शक्तिको घमण्ड बढ्नु ।
२. नेपाली कांग्रेससँग सहशी सूचना नहुनु र उसले गलत सूचनामा विश्वास गर्नु ।
३. केपी ओलीले उपर्युक्त वाम– लोकतान्त्रिक गठबन्धनलाई जसरी तोडिछाड्ने उद्येश्य राखेर चालबाजीपूर्ण कदम चाल्नु ।
४. माओवादी केन्द्रको सत्ताकेन्द्रित सोच र आफूलाई लाभ हुने भएपछि विचार, नीति, सिद्धान्त, दृष्टिकोण र सहयात्री साथीहरु सबै त्यागेर हिँड्ने प्रवृत्ति ।
प्रतिक्रिया