परराष्ट्रमन्त्री पौड्याल आज श्रीलंका जाँदै

काठमाडौं । परराष्ट्रमन्त्री विमला राई पौड्याल बिहिबार श्रीलङ्का भ्रमणमा जाने भएकी छिन् ।

श्रीलङ्काको ७५ औँ स्वतन्त्रता दिवसको अवसरमा श्रीलङ्काका परराष्ट्रमन्त्री एमयूएमअली साबरीको मैत्रीपूर्ण निमन्त्रणामा उनी श्रीलंका प्रस्थान गर्न लागेकि हुन् । भ्रमणका क्रममा पौडेलले श्रीलङ्काका राष्ट्रपति र प्रधानमन्त्रीसँग शिष्टाचार भेट गर्ने कार्यसूचि रहेको छ ।

पौड्याल माघ २० गते कोलम्बो प्रस्थान गर्ने र माघ २५ गते काठमाडौँ फर्कने कार्यक्रम तय भएको छ ।