गृहमन्त्रीमा रविलाई आजै शपथ गराउने तयारी

काठमाडौं । सर्वोच्चको आदेशपछि नागरिकता लिने प्रक्रिया पूरा गर्न रवि लामिछाने जिल्ला प्रशासन कार्यालय काठमाडौँ पुगेका छन् ।

शुक्रबार सर्वोच्च अदालतको संवैधानिक आदेशले रविको नागरिकता अवैध भएको ठहर गर्दै नागरिकता लिने प्रक्रिया पूरा गर्न आदेश दिएको थियो । सोह अनुसार लामिछाने केहीबेरअघि प्रशासन पुगेका हुन् । लामिछालेले नागरिकता लिनका लागि गृह मन्त्रालयसँग समेत परामर्श गरेका थिए ।

गृहले नियमित प्रक्रियाबाट नागरिकता लिन सकिने बताएपछि उनी सोहीबमोजिम प्रशासन पुगेका हुन् । सर्वोच्चको फैसलामा उनले नागरिकता लिन प्रक्रिया पूरा गर्नुपर्ने मात्रै भनेकाले सोहीअनुसार सामान्य प्रक्रियाबाट नागरिकता लिने तय भएको हो । नागरिकता प्राप्त गरेपछि आजै गृहमन्त्रीको सपथ खाने निकट स्रोतले बताएको छ ।