वैदेशिक रोजगार व्यवसायी संघको नेतृत्वमा प्रगतिशील समुह विजयी

काठमाडौं । नेपाल वैदेशिक रोजगार व्यवसायी संघको निर्वाचनमा प्रगतिशील वैदेशिक रोजगार व्यावसायी मंचले एतिहासिक विजयी हासिल गरेको छ ।

संघको २८औं साधारणसभा अन्तर्गत भएको निर्वाचनमा अध्यक्षमा प्रगतिशिल समुहका राजेन्द्र भण्डारी निर्वाचित भएका छन् । भण्डारीले कुल १ सय ९९ मत प्राप्त गरेका छन् । संघको निर्वाचनमा लोकतान्त्रिक समूहबाट अध्यक्षमा उम्मेदवारी दिएका निकट्तम प्रतिष्पर्धी भुवन सिंङ गुरुङ्ले १ सय ५७ मत गरेका छन् ।

त्यस्तै संघको प्रथम उपाध्यक्षमा डिक बहदुर खत्री (कुमार), द्वितीय उपाध्यक्षमा सन्जु गुरुङ र तृतीय उपाध्यक्षमा रोशन कटुवाल निर्वाचित भएका छन् । त्यस्तै, महासचिवमा मेघनाथ भुर्तेल, सचिबमा कर्ण राज कटुवाल, कोषध्यक्षमा सरिता घलेले विजय हासिल गरेको हुन् ।

यस्तै सदस्यहरुमा राजेन्द्र बस्नेत, बैकुण्ठ प्रसाद पौडेल(वैभव), देउमान नेम्वाङ (डि.एम. सुब्बा) र आनन्द प्रसाद कोइराला निर्वाचित भएका छन् । संघको निर्वाचनमा कूल ६४० प्रतिनिधिले मतदान गरेका थिए ।