काठमाडौं । यती एयरलाइन्सको विमान दुर्घटनमा ज्यान गुमाएका ७१ जनाको शव भेटिएको छ । अझै एकजना बेपत्ता रहेको प्रहरीले जनाएको छ ।
मंगलबार दिउँसो थप एक महिलाको शव भेटिएको कास्कीका सहायक प्रमुख जिल्ला अधिकारी अनिलकुमार शाहीले कान्तिपुर टीभीलाई जानकारी दिए । उनले भने, ‘बेपत्ता दुई जना मध्ये एक जना महिलाको शव भेटिएको छ । सेतीको पानीको बहाव घटाएसँगै एक जनाको शव भेटियो ।’
ती एक जनाको शव भोलि मात्र पोष्टमार्टम हुने बताइएको छ ।उनका अनुसार बेपत्ता एक जनाको खोजीकार्य भइरहेको छ । ७२ जना सवार विमान आइतबार पोखरा विमनस्थल नजिकै सेती खोँचमा दुर्घटनामा भएको थियो ।
प्रतिक्रिया