काठमाडौं । सत्ता गठबन्धनले मन्त्रालयको भागबन्डा टुंगो लगाएको छ ।
प्रधानमन्त्रीको सरकारी निवास बालुवाटारमा सोमबार साँझ बसेको सत्ता गठबन्धनको बैठकले मन्त्रालय भागबन्डाको टुंगो लगाएको हो । सत्ता गठबन्धन दलभित्र कसले कुन मन्त्रालयले चलाउने भन्नेबारे सहमति जुटेको उपप्रधान एवं गृहमन्त्री रवि लामिछाने बताए । उनले भने, ‘कुन पार्टीले कुन मन्त्रालयको जिम्मा लिने सहमति भइसकेको छ ।
मन्त्रालयको बाँडफाँट चाहिँ टुंगो लाग्यो । भोलि मन्त्री सार्वजनिक गर्ने तयारी छ ।’ मन्त्रालयको बाँडफाँटको लागि फेरि बैठक बस्नु नपर्ने गृहमन्त्री लामिछानेको भनाइ छ ।
उनले भने, ‘हामी फेरि मन्त्रालय बाँडफाँडका लागि बैठक बस्दैनौं । पार्टीमा छलफल गरेर मन्त्रीहरू सार्वजनिक गर्छौं ।’ लामिछानेका अनुसार नयाँ मन्त्रीहरूलाई भोलि दिउँसो १ बजेसम्म शपथ गराइनेछ ।
प्रतिक्रिया