काठमाडौं । नेकपा (एकीकृत समाजवादी) ले प्रधानमन्त्री पुष्पकमल दाहाल प्रचण्डलाई सशर्त विश्वासको मत दिने भएको छ ।
मंगलबार बिहान बसेको एकीकृत समाजवादीको सचिवालय बैठकले प्रधानमन्त्री प्रचण्डलाई विश्वासको मत दिने निर्णय गरेको प्रवक्ता जगन्नाथ खतिवडाले जानकारी दिएका छन् । उनका अनुसार विश्वासको मत दिए पनि नेकपा एकीकृत समाजवादी प्रतिपक्षमा बस्ने छ । एकीकृत समाजवादीका प्रतिनिधि सभामा १० सांसद छन् । समाजवादीले लामो छलफलपछि सरकारलाई समर्थन गर्ने निर्णय गरेको हो ।
प्रधानमन्त्री प्रचण्डले आज विश्वासको मत लिँदै छन् ।
प्रतिक्रिया