यस्तो रहनेछ शनिबारको मौसम

काठमाडौं । शनिबार तराईको धेरै भूभाग हुस्सु र कुहिरोले ढाकिएको छ ।

दिउँसो र रातको समयमा पनि धेरै भूभागमा हुस्सु र कुहिरो कायमै रहने जल तथा मौसम विज्ञान विभागको मौसम पूर्वानुमान महाशाखाले जनाएको छ । महाशाखाका अनुसार पहाडी भू–भागमा आंशिक बदली र बाँकी भू–भागको मौसम सफा रहेने छ । शीतलहरका कारण तराई क्षेत्रको जनजीवन प्रभावित बनेको छ ।

हुस्सु र कुहिरोका कारण तराई क्षेत्रमा सडक तथा हवाई यातायातमा समस्या हुनसक्ने भन्दै महाशाखाले सतर्कता अपनाउन अपिलसमेत गरेको छ ।