मिटर व्याज पीडितहरुले गरे आन्दोलनको घोषणा

जनकपुरधाम । सिराहाका मिटर ब्याज पीडितहरुले आफूहरुको मागप्रति सरकार वेवास्ता गरिरहेको भन्दै आन्दोलनको घोषणा गरेका छन् ।

मधेश प्रदेश मिटर ब्याज घटना संघर्ष समितिले मंगलबारदेखि आन्दोलन गर्ने घोषणा गरेका हुन् । आन्दोलनका कार्यक्रम अन्तर्गत मंगलबार गोलबजारमा दबाबमूलक र्‍याली प्रदर्शन गर्ने उनीहरूले बताएका छन् । त्यसपछि थप आन्दोलनका कार्यक्रम तय गरी सशक्त रुपले संघर्ष थाल्ने उनिहरुको तयारी छ ।

मिटर ब्याज घटनालाई सञ्चारमाध्यमले व्यापक रुपमा उठाएपछि सरकारले कार्यदल गठन गरेको थियो । त्यसपछि पीडितहरुलाई सरकारले जिल्ला प्रशासनमा उजुरी दिनसमेत लगाएको थियो । तर, हालसम्म पनि पिडितले न्याय पाउन सकेको छैनन् ।