महान फुटबलर पेलेको निधन

एजेन्सी । ब्राजिलका महान फुटबल खेलाडी एडसरन एरेन्टस डो नासिमेन्टो (पेलेको) निधन भएको छ ।

मिर्गौला र प्रोस्टेटको समस्याबाट पीडित पेलेको ८२ वर्षको उमेरमा निधन भएको हो । २१ वर्ष लामो फुटबल करियरमा उनले १३६३ खेलमा प्रतिस्पर्धा गर्दा १ हजार २८१ गोल गरेर विश्व रेकर्ड कायम गरेका छन् । उनले आफ्नो करियरमा ब्राजिलमा ३ पटक विश्वकप दिलाएका छन् । उनले १९५८, १९६२ र १९७० मा आफ्नो देशलाई विश्वकप दिलाएका थिए ।

१७ वर्षको उमेरमै फुटबल स्टार बनेका पेलेले १९५८ मा ब्राजिललाई वर्ल्डकपको उपाधि दिलाउन अहम् भूमिका निर्वाह गरेका थिए । क्वाटर फाइनलमा वेल्सविरुद्ध जितका लागि एकमात्र निर्णायक गोल उनैले गरेका थिए । सेमिफाइनलमा फ्रान्सविरुद्ध पेलेले ह्याट्रिक गरे र फाइनलमा स्वीडेनविरुद्ध उनले दुई गोल जितेर विश्वकपको उपाधि दिलाएका थिए ।