काठमाडौं । गृह मन्त्रालयले सुरक्षा निकायका पदाधिकारीहरूलाई राजनीतिक दलका नेता र कुटनैतिक नियोग सँग आफुखुसी भेटघाट नगर्न निर्देशन दिएको छ ।
मन्त्रालयले बिहिबार विज्ञप्ती जारी गर्दै भेटघाट गर्दा विभागीय स्वीकृति लिनुपर्ने निर्णय गरेको जनाएको छ । यसअघि पनि सुरक्षा निकायका उच्च तहका अधिकारीलाई भेटघाटमा कडाइ गर्ने निर्णय भएपनि कार्यान्वयनमा भने आएको थिएन । विभागीय स्वीकृति लिएर भेट गरेको वा नगरेकोबारे अनुगमन गर्न गृह मन्त्रालयले नेपाल प्रहरी, सशस्त्र र राष्ट्रिय अनुसन्धान विभागका प्रमुखहरुलाई निर्देशन गरेको छ ।
विभागको अनुमति नलिइ र स्पष्ट प्रयोजनबिना भेटघाट गरेको पाइए अनुशासनसम्बन्धी कारबाही गरिने गृहमन्त्रालयले चेतावनी दिएको छ ।
प्रतिक्रिया